കാട്ടാക്കട: കൃഷിഭവനില്‍ നിലവിലെ കെട്ടിടത്തിനോടനുബന്ധിച്ചു സ്റ്റോര്‍ റൂം കെട്ടുന്നതില്‍ അപാകത ചൂണ്ടിക്കാട്ടി സാമൂഹ്യ പ്രവര്‍ത്തകര്‍ നിര്‍മ്മാണ പ്രവര്‍ത്തനങ്ങള്‍ തടഞ്ഞു. ഇന്നലെ രാവിലെ പതിനൊന്നു മണിയോടെയാണ് അപകാകത കണ്ടെത്തിയത്. മുന്‍പ് ശൗചാലയത്തിനുള്ള ടാങ്ക് നിര്‍മിച്ചിരുന്ന സ്ഥലത്താണ് സ്റ്റോര്‍ റൂം നിര്‍മ്മാണം നടത്താന്‍ ഒരുങ്ങിയത്. ടാങ്കിന് മുകളിലെ സ്ലാബിനു ചുറ്റും കുഴിയെടുത്തു പാറക്കല്ലുകള്‍ അടുക്കി തുടങ്ങിയപ്പോഴാണ് നാട്ടുകാരുള്‍പ്പടെയുള്ളവര്‍ അപാകത ചൂണ്ടിക്കാട്ടിയത്. സ്ലാബ് പൊളിച്ചു നീക്കാതെ അതിനു മുകളില്‍ കെട്ടിടം പണിതാല്‍ അപകടത്തിനു വഴി ഒരുക്കുമെന്നും ഇതിനു പരിഹാരം കണ്ടതിനു ശേഷം നിര്‍മ്മാണപ്രവര്‍ത്തനം നടത്താനാകൂ എന്നും  ഇവര്‍ പറഞ്ഞു. കൂടാതെ കൃഷി ഭവനിലെ മാലിന്യങ്ങള്‍ ഒഴുക്കുന്നത് പൊതു ഓടയിലേയ്ക്കാണ്, ഇതിനും കാര്യമായ പരിഹാരം കാണണം എന്ന് ഇവര്‍ പറഞ്ഞു.