വെങ്കിടങ്ങ് : കണ്ണോത്ത്-പുല്ല ഹൈവേ റോഡ് നിര്‍മാണം ഉടന്‍ പൂര്‍ത്തിയാക്കണമെന്ന് വെങ്കിടങ്ങ് മര്‍ച്ചന്റ്‌സ് അസോസിയേഷന്‍ വാര്‍ഷിക പൊതുയോഗം ആവശ്യപ്പെട്ടു. പടിഞ്ഞാറന്‍ മേഖലയിലുള്ളവര്‍ക്ക് തൃശൂര്‍ അയ്യന്തോളിലേക്ക് എളുപ്പത്തില്‍ എത്താന്‍ കഴിയുന്ന റോഡ് കണ്ണോത്ത് മുതല്‍ അമ്പത്തൊന്നാം തറവരെ നിര്‍മാണം പൂര്‍ത്തിയായിട്ടുണ്ട്. മൂന്ന് കിലോമീറ്റര്‍ ദൂരം കൂടി നിര്‍മാണം പൂര്‍ത്തിയായാലേ റോഡ് പ്രയോജനപ്പെടുത്താന്‍ കഴിയൂ. മര്‍ച്ചന്റ്‌സ് അസോസിയേഷന്‍ വാര്‍ഷികം കേരളവ്യാപാരിവ്യവസായി ഏകോപന സമിതി ജില്ലാ പ്രസിഡന്റ്  കെ.വി അബ്ദുള്‍ ഹമീദ് ഉദ്ഘാടനം ചെയ്തു. മര്‍ച്ചന്റ്‌സ് അസോസിയേഷന്‍ പ്രസിഡന്റ് കെ.വി മുകുന്ദന്‍ അധ്യക്ഷനായി.
 റാങ്ക് ജേതാവ് റിന്‍ജുഷ രമേഷ്‌ലാലിനേയും, ഗവേഷണ ബിരുദം നേടിയ എം.എം ഉമൈബാനെയും ചടങ്ങില്‍ അനുമോദിച്ചു. ജില്ല വൈസ് പ്രസിഡന്റ് ജോര്‍ജ്ജ്  മണ്ണുമ്മല്‍, സി.എല്‍ റാഫേല്‍, അസോസിയേഷന്‍ ഭാരവാഹികളായ പി.ചന്ദ്രശേഖരന്‍, ടി.ഒ ഫ്രാന്‍സീസ്, കെ.സി ജോസഫ് എന്നിവര്‍ പ്രസംഗിച്ചു. മര്‍ച്ചന്റ്‌സ് അസോസിയേഷന്‍ പ്രസിഡന്റായി ഡേവിസ് വെങ്കിടങ്ങിനെ പൊതുയോഗത്തില്‍ തിരഞ്ഞെടുത്തു