കൊടുങ്ങല്ലൂര്‍: തെരഞ്ഞെടുപ്പ് ഗോദയിലേക്ക് പേപ്പര്‍ പേനയും. ലോക്‌സഭാ തെരഞ്ഞെടുപ്പ് പ്രചാരണത്തിന്റെ ഭാഗമാകുകയാണ് കടലാസ് പേനകള്‍.
വീടുകള്‍ തോറും കയറിയിറങ്ങുന്ന പാര്‍ട്ടി പ്രവര്‍ത്തകര്‍ നോട്ടിസിനോടൊപ്പം സ്ഥാനാര്‍ഥിയുടെ ചിത്രവും പേരും അച്ചടിച്ച പേപ്പര്‍ പേനകളും വിതരണം ചെയ്യുന്നുണ്ട്. ചാലക്കുടി മണ്ഡലത്തിലെ ഇടതുമുന്നണി സ്ഥാനാര്‍ഥി ഇന്നസെന്റിനു വേണ്ടിയാണ് ആദ്യമായി പേപ്പര്‍ പേനകള്‍ തയാറാക്കിയത്. മറ്റു സ്ഥാനാര്‍ഥികള്‍ക്കു വേണ്ടിയും പേപ്പര്‍ പേനകള്‍ തയാറാകുന്നുണ്ട്.
കൊടുങ്ങല്ലൂരില്‍ ഭിന്നശേഷിക്കാര്‍ക്കു വേണ്ടി പ്രവര്‍ത്തിക്കുന്ന ഹാന്റി ക്രോപ് സൊസൈറ്റിയാണ് പേപ്പര്‍ പേന തയാറാക്കുന്നത്.