കയ്പമംഗലം: മൂന്നുപീടിക മജിലിസുന്നൂര്‍ കോര്‍ഡിനേഷന്‍ കമ്മിറ്റി സംഘടിപ്പിക്കുന്ന രണ്ടാമത് മജിലിസുന്നൂര്‍ വാര്‍ഷിക സംഗമം ഇന്ന് നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. വൈകളട്ട് 6.30ന് നടക്കുന്ന സമ്മേളനം സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
സമസ്ത മുശാവറ അംഗം മുഹമ്മദ് കോയ ബാഅലവി അല്‍ ഖാസിമി അധ്യക്ഷനാവും. പാണക്കാട് ശമീറലി ശിഹാബ് തങ്ങള്‍ മജിലിസുന്നൂര്‍ ആത്മീയ സംഗമത്തിന് നേതൃത്വം നല്‍കും. കെ.എ റഷീദ്, ഹുസൈന്‍ ഫൈസി, ശിഹാബുദ്ദീന്‍ മൗലവി, നൗഫല്‍ റഹ്മാനി, അബ്ദുള്‍ റഹീം എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.