17 പേര്‍ക്കു ഗുരുതര പരുക്ക്
ചെന്നൈ: തമിഴ്‌നാട്ടിലെ നെയ്‌വേലിയില്‍ നെയ്‌വേലി ലിഗ്നൈറ്റ് കോര്‍പറേഷന്‍ ഇന്ത്യ ലിമിറ്റഡിനു കീഴിലുള്ള തെര്‍മല്‍ പവര്‍പ്ലാന്റിലുണ്ടായ സ്‌ഫോടനത്തില്‍ കുറഞ്ഞത് ആറുപേര്‍ മരിച്ചു. 17 പേര്‍ക്കു ഗുരുതരമായി പരുക്കേറ്റു. ഇന്നലെ രാവിലെ പത്തോടെയായിരുന്നു സംഭവം.പരുക്കേറ്റവരെ സമീപത്തെ ആശുപത്രിയിലേക്കു മാറ്റിയിരിക്കുകയാണ്. ഇതില്‍ ആറു പേര്‍ ഇവിടത്തെ സ്ഥിരം ജോലിക്കാരും പത്തുപേര്‍ കരാര്‍ ജീവനക്കാരുമാണ്. വിഷയത്തില്‍ അന്വേഷണം പ്രഖ്യാപിച്ചിട്ടുണ്ട്.
സംഭവത്തില്‍ മരിച്ചവരുടെ കുടുംബങ്ങള്‍ക്ക് സംസ്ഥാന സര്‍ക്കാര്‍ മൂന്നു ലക്ഷം രൂപ നഷ്ടപരിഹാരം പ്രഖ്യാപിച്ചിട്ടുണ്ട്. ഗുരുതരമായി പരുക്കേറ്റവര്‍ക്കു ഒരു ലക്ഷം രൂപവീതവും ചെറിയ പരുക്കുള്ളവര്‍ക്ക് അര ലക്ഷം രൂപവീതവും പ്രഖ്യാപിച്ചിട്ടുണ്ട്.