പരപ്പനങ്ങാടി: തിരൂര്‍ പയ്യനങ്ങാടിയില്‍  പെട്രോള്‍ കലര്‍ന്ന കിണര്‍ വൃത്തിയാക്കാന്‍ ഇറങ്ങിയ രണ്ടു തൊഴിലാളികള്‍ ശ്വാസം കിട്ടാതെ മരണത്തോട് മല്ലടിക്കുന്നത് കണ്ട്  കിണറില്‍ ഇറങ്ങി ഇരുവരെയും രക്ഷപ്പെടുത്തിയ ചെട്ടിപ്പടി അത്താണി സ്വദേശി മംഗലശ്ശേരി നിസാമുദ്ദീനെ ജന്മനാട് ആദരിച്ചു.
 നെടുവ അത്താണിയില്‍ ചെട്ടിപ്പടി പൗരാവലി സംഘടിപ്പിച്ച ചടങ്ങില്‍ വള്ളിക്കുന്ന് മണ്ഡലം എം എല്‍ എ പി അബ്ദുല്‍ഹമീദ് മാസ്റ്റര്‍ ഷാള്‍ അണിയിച്ചു ആദരിച്ചു. പി കെ അബ്ദുറബ്ബ് എം എല്‍ എ അധ്യക്ഷനായി.
വി വി ജമീല ടീച്ചര്‍, ബുഷ്‌റ ഹാറൂണ്‍, പി വി തുളസീദാസ്, ഇ ടി സുബ്രമണ്യന്‍, എ ഉസ്മാന്‍, നിസാര്‍ കുന്നുമ്മല്‍, കെ കെ നഹ, ഇ പി അഹമ്മദ്‌കോയ മരക്കാര്‍, പി എന്‍ സൈതലവി ഹാജി, സാദിഖ്, അന്‍വര്‍ തലാഞ്ചേരി, ഹംസ കളത്തിങ്ങല്‍ സംസാരിച്ചു.