മലപ്പുറം: ഇ.എന്‍.ടി സര്‍ജന്മാരുടെ ദ്വിദിന പഠന-പരിശീലന സമ്മേളനവും ഡോ. എം.എ ഗോപാലന്‍ അനുസ്മരണവും ഇന്ന് സമാപിക്കും. കഴിഞ്ഞ ദിവസം മലപ്പുറം റോസ് ലോഞ്ചില്‍ നടന്ന ചടങ്ങ് ഡോ. സതീഷ് ജെയ്ന്‍ ഉദ്ഘാടനം ചെയ്തു. അസോസിയേഷന്‍ ഓഫ് ഓട്ടോലാരിങ്കോളജിസ്റ്റ് മലപ്പുറം ചാപ്റ്ററിന്റെ ആഭിമുഖ്യത്തില്‍ നടന്ന പരിപാടിയില്‍ ഡോ. ഗിരീഷ് ശാസ്ത്ര സെമിനാറിന് നേതൃത്വം നല്‍കി. പ്രൊഫ. അശോക്കുമാര്‍, ഡോ. ഷിബു ജോര്‍ജ് സംസാരിച്ചു.