പരപ്പനങ്ങാടി: സഹോദരന്‍ ശരീഫിന്റെ മരണാനന്തര ചടങ്ങില്‍ പങ്കെടുക്കാന്‍ മൂന്നു ദിവസത്തെ ഇടക്കാല ജാമ്യത്തില്‍ വീട്ടിലെത്തിയ സകരിയ്യ തടവറയിലേക്കു മടങ്ങി. 2008ലെ ബാംഗ്ലൂര്‍ ബോംബ് സ്‌ഫോടനക്കേസില്‍ പ്രതിചേര്‍ത്തു കര്‍ണാടക പൊലിസ് 2009ല്‍ അറസ്റ്റ് ചെയ്ത സകരിയ്യ യു.എ.പി.എ നിയമത്തിന്റെ  മറവില്‍ വിചാരണയോ ജാമ്യമോ ഇല്ലാതെ എട്ടര വര്‍ഷമായി അഗ്രഹാര ജയിലില്‍ കഴിയുകയാണ്.
ഇന്നലെ ഉച്ചയ്ക്ക് ഒന്നരയോടെ മാതാവ് ബിയ്യുമ്മയും ബന്ധുക്കളും നാട്ടുകാരും സകരിയ്യയെ കണ്ണീരോടെ യാത്രയാക്കി. ബന്ധുക്കളോടൊപ്പം ഉച്ച ഭക്ഷണം കഴിച്ച ശേഷം ചാപ്പപ്പടി ഖബര്‍സ്ഥാനില്‍ സഹോദരന്റെ ഖബറിടത്തില്‍ പ്രാര്‍ഥനയും നിര്‍വഹിച്ച ശേഷമാണ് സക്കരിയ പത്തംഗ കാവല്‍ സംഘത്തിന്റെ അകമ്പടിയില്‍ യാത്ര പുറപ്പെട്ടത്.