കയ്യൂര്‍: കുട്ടികള്‍ക്കു മാത്രമല്ല വായനയില്‍ താല്‍പര്യമുണ്ടെങ്കില്‍ പൊതുജനങ്ങള്‍ക്കും പുസ്തങ്ങള്‍ നല്‍കാന്‍ ഓപണ്‍ ലൈബ്രറി. കയ്യൂര്‍ ജി.വി.എച്ച്.എസ്.എസിലെ ഹയര്‍സെക്കന്‍ഡറി വിഭാഗം എന്‍.എസ്.എസ് യൂനിറ്റാണ് ഓപണ്‍ ലൈബ്രറി ഒരുക്കിയത്.
വിവിധ പ്രസാധകരുടെ പുസ്തകങ്ങള്‍ക്ക് പുറമെ ആനുകാലിക പ്രസിദ്ധീകരണങ്ങളും ലൈബ്രറിയില്‍ ഒരുക്കിയിട്ടുണ്ട്. ജില്ലയില്‍ ആദ്യമായാണ് എന്‍.എസ്.എസിന്റെ നേതൃത്വത്തില്‍ ഇത്തരം പദ്ധതി ആവിഷ്‌കരിച്ച് നടപ്പാക്കുന്നത്. സി.എം വിനയചന്ദ്രന്‍ ഉദ്ഘാടനം ചെയ്തു. വി.എം വേണുഗോപാലന്‍ അധ്യക്ഷനായി.
എം.ഡി സുജ, ടി.വി രവീന്ദ്രന്‍, സുനില്‍കുമാര്‍, ആര്‍.കെ രാജേഷ്, ലയ ആര്‍. നായര്‍ എന്നിവര്‍ സംസാരിച്ചു.