വാടാനപ്പള്ളി: തളിക്കുളം പഞ്ചായത്തംഗം പി.ആര്‍ രമേശും, ആനിമല്‍ സ്‌ക്വാഡും ചേര്‍ന്ന് പിടികൂടിയ അഞ്ച് മലമ്പാമ്പുകളെയും രണ്ട് മൂര്‍ഖന്‍മാരെയും ഒരു അണലിയെയും വനംവകുപ്പിനു കൈമാറി. വാടാനപ്പള്ളി തൃത്തല്ലൂര്‍ പുഞ്ചിരി സെന്ററിലെ ബൈജുവിന്റെ വീട്ടുവളപ്പില്‍ നിന്ന് പിടികൂടിയ 12 അടി നീളമുള്ള മലമ്പാമ്പ്, പാവറട്ടിയിലെ അമ്പലകുളത്തിനരികിലെ വലയില്‍ കുരുങ്ങിയ എട്ട് അടി നീളമുള്ള മലമ്പാമ്പ്, തൃത്തല്ലൂര്‍ കെ.ടി.ഐസിനടുത്തുള്ള തോട്ടില്‍ നിന്ന് പിടികൂടിയ ആറ് അടി നീളമുള്ള മലമ്പാമ്പ് എന്നിവയെയാണ് കൈമാറിയത്.
 ഇതിനു പുറമെ വാടാനപ്പള്ളി സ്റ്റേഷനടുത്ത വീടിന്റെ അടുക്കളയില്‍ നിന്ന് പിടികൂടിയ എട്ടടി മൂര്‍ഖന്‍, തളിക്കുളം നസീബ് ഓഡിറ്റോറിയം റോഡിന്റെ നടുവില്‍ നിന്ന് പിടിച്ച രണ്ടടി മൂര്‍ഖന്‍, കരുവന്തലയില്‍ മീന്‍വലയില്‍ കുടുങ്ങിയ അഞ്ചടി മൂര്‍ഖന്‍, തളിക്കുളം പുളിപ്പറമ്പില്‍ ക്ഷേത്രത്തിനടുത്ത് വീടിന്റെ കാര്‍പോര്‍ച്ചില്‍ നിന്ന് പിടികൂടിയ അണലിയേയും ഇന്നലെ വനം വകുപ്പ് അധികൃതര്‍ക്ക് കൈമാറി.