കല്‍പ്പറ്റ: സി.പി.എമ്മിനെതിരേ തെരഞ്ഞെടുപ്പ് പ്രചാരണത്തില്‍ ഒന്നും പറയില്ലെന്ന് പറഞ്ഞത് രാഹുലിന്റെ മനസിന്റെ നന്മ കൊണ്ടാണെന്ന് പ്രതിപക്ഷ നേതാവ് രമേശ് ചെന്നിത്തല. എന്നാല്‍, കേരളത്തില്‍ പതിറ്റാണ്ടുകളായി എല്‍.ഡി.എഫും യു.ഡി.എഫും തമ്മിലാണ് തെരഞ്ഞെടുപ്പുകളില്‍ മത്സരിക്കുന്നത്. അതുകൊണ്ട് തന്നെ അവരെ ഇനിയും കോണ്‍ഗ്രസ് എതിര്‍ക്കും. സി.പി.എമ്മിന്റെ ആരോപണങ്ങളുടെ എല്ലാ മുനയും ഒടിഞ്ഞിരിക്കുകയാണ്. പിണറായി വിജയനെയും കൂട്ടരെയും എതിര്‍ക്കാന്‍ രാഹുല്‍ വേണ്ട. അതിനു കേരളത്തിലെ കോണ്‍ഗ്രസ് നേതാക്കള്‍ തന്നെ കൂടുതലാണെന്നും ചെന്നിത്തല പറഞ്ഞു.