കണ്ണൂര്‍: മുണ്ടയാട് സ്‌പോര്‍ട്‌സ് കോംപ്ലക്‌സിനോടനുബന്ധിച്ച് നിര്‍മാണം പൂര്‍ത്തിയാക്കിയ ടെന്നിസ് കോര്‍ട്ടിന്റെ ഉദ്ഘാടനം മന്ത്രി തോമസ് ഐസക് നിര്‍വഹിച്ചു. ജില്ല വാട്ടര്‍ സ്‌പോര്‍ട്‌സ് ഇനങ്ങള്‍ക്ക് കൂടുതല്‍ പ്രാധാന്യം നല്‍കണമെന്നും എയ്ഡഡ് സ്‌കൂളുകളിലും മികച്ച ഗ്രൗണ്ടുകള്‍ നിര്‍മിക്കുന്നതിന് സഹായം ഒരുക്കണമെന്നും മന്ത്രി പറഞ്ഞു. പി.കെ ശ്രീമതി എം.പി അധ്യക്ഷയായി. എം.പിയുടെ പ്രാദേശിക വികസന ഫണ്ടില്‍ നിന്ന് 55 ലക്ഷം രൂപ വിനിയോഗിച്ചാണ് ഫഌഡ്‌ലിറ്റും റോഡ് സൗകര്യവും ഉള്‍പ്പെടെ മുണ്ടയാട് പുതിയ ടെന്നിസ് കോര്‍ട്ട് ഒരുക്കിയത്. ജില്ലാപഞ്ചായത്ത് പ്രസിഡന്റ് കെ.വി സുമേഷ്, എ.ഡി.എം ഇ. മുഹമ്മദ് യൂസഫ്, കെ പ്രകാശന്‍, ഒ.കെ വിനീഷ്, വി.പി പവിത്രന്‍, ഡോ. പി.കെ ജഗന്നാഥന്‍. പി.വി സോമരാജന്‍ സംസാരിച്ചു.