കോട്ടയം : കോട്ടയം തിരുനക്കര പുത്തന്‍പള്ളി പരിപാലന സമിതിയില്‍ ദീര്‍ഘകാലം സേവനമനുഷ്ഠിച്ച പ്രശസ്ത മനോരോഗ വിദഗ്ധന്‍ കൂടിയായിരുന്ന ഡോ.എം.കെ  ബഷീറിന്റെ നിര്യാണത്തില്‍ തിരുനക്കര പുത്തന്‍പള്ളി മുസ്്‌ലിം ജമാഅത്ത് അനുശോചനം രേഖപ്പെടുത്തി.
ജമാഅത്ത് ഹാളില്‍ കൂടിയ യോഗത്തില്‍ പ്രസിഡന്റ് വി.ഒ അബൂസാലി അധ്യക്ഷനായി. മുത്തവല്ലി ബഷീര്‍, ഇമാം ത്വാഹാ മൗലവി, തിരുവഞ്ചൂര്‍ രാധാകൃഷ്ണന്‍ എം.എല്‍.എ, ഡോ.അബ്ദുള്‍ ഖാദര്‍, എം.കെ ഖാദര്‍, കെ.പി ഇബ്രാഹിം, ടി.എ മൂസക്കുട്ടി, എന്‍.എ ഹബീബ്, കെ.എം.എ സലീം, ടി.എം ഷെരീഫ് എന്നിവര്‍ സംസാരിച്ചു.