നടുവണ്ണൂര്‍: പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മണ്ഡലത്തിലെ വിദ്യാലയങ്ങളിലെ മുഴുവന്‍ ക്ലാസ്‌റൂമുകളും ഡിജിറ്റല്‍ സംവിധാനങ്ങളോടെയുള്ള സ്മാര്‍ട്ടാക്കുമെന്ന് പുരുഷന്‍ കടലുണ്ടി എം.എല്‍.എ.
നടുവണ്ണൂര്‍ പഞ്ചായത്തിലെ കാവില്‍ എ.എം.എല്‍.പി സ്‌കൂളില്‍ സ്മാര്‍ട് ക്ലാസ് മുറി ഉദ്ഘാടനം ചെയ്യുകയായിരുന്നു അദ്ദേഹം.
പഞ്ചായത്ത് പ്രസിഡന്റ് യശോദ തെങ്ങിട അധ്യക്ഷയായി.
വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ ലത നള്ളിയില്‍, കെ.പി സഹീര്‍, പി.ഇ.സി കണ്‍വീനര്‍ ഒ.എം രാജന്‍, വിനോദ് എടോത്ത്, കെ.ടി.കെ റഷീദ്, ഇ. ശ്രീധരന്‍, എന്‍. ഇബ്രാഹിം കുട്ടി ഹാജി, പി. വിനോദ്, കെ.വി അമ്മോട്ടി, ടി. സന്തോഷ്, സി.കെ അഷറഫ് സംസാരിച്ചു. പ്രധാനാധ്യാപകന്‍ എം.കെ അബ്ദുറഹ്മാന്‍ സ്വാഗതവും പ്രമീള നാഗത്തിങ്കല്‍ നന്ദിയും പറഞ്ഞു.