വടകര: വൈക്കിലിശ്ശേരി മലോല്‍ മുക്കില്‍ വീടിന് സമീപം ഷെഡ്ഡില്‍ നിര്‍ത്തിയിട്ട വാഹനങ്ങള്‍ തകര്‍ത്തു. വൈക്കിലശ്ശേരി ഫാറൂഖ് മസ്ജിദിന് സമീപം ചെത്തില്‍ അമ്മതിന്റെ വാഹനങ്ങളാണ് തകര്‍ത്തത്. വീടിനോട് ചേര്‍ന്ന ഷെഡ്ഡില്‍ നിര്‍ത്തിയിട്ട ഓട്ടോറിക്ഷ, ബൈക്ക്, സ്‌കൂട്ടര്‍ എന്നിവയുടെ സീറ്റുകള്‍ കുത്തിപ്പൊളിക്കുകയായിരുന്നു. ഞായറാഴ്ച രാത്രിയോടെയാണ് സംഭവം. വാഹനങ്ങള്‍ അഗ്‌നിക്കിരയാക്കാനുള്ള ശ്രമവും നടത്തി.
കനത്ത മഴയായതിനാലാണ് വാഹനങ്ങള്‍ക്ക് തീപിടിക്കാത്തിരുന്നതെന്ന് കരുതുന്നു. അതേസമയം പ്രദേശത്ത് രാഷ്ട്രീയ സംഘര്‍ഷങ്ങളൊന്നുമില്ലെന്നിരിക്കെ മനഃപൂര്‍വം പ്രശ്‌നം സൃഷ്ടിക്കാന്‍ സാമൂഹ്യ വിരുദ്ധരാണ് അക്രമം നടത്തിയതെന്നാണ് സംശയിക്കുന്നത്. വടകര പൊലിസ് സ്ഥലത്തെത്തി. കേസെടുത്ത് അന്വേഷണം ആരംഭിച്ചു.