കൊളത്തൂര്‍: ലോകകപ്പ് ഫുട്‌ബോളിന്റെ ആവേശം കെട്ടടങ്ങുമ്പോള്‍ ഹരിത ഭൂമിയായ കേരളത്തിന് സമ്മാനിക്കുന്ന ടണ്‍ കണക്കിന് ഫ്‌ലക്‌സ് ബോര്‍ഡ് മാലിന്യങ്ങളെക്കുറിച്ചുള്ള പഠന സര്‍വേയുമായി ചെറുകുളമ്പ് ഐ.കെ.ടി സ്‌കൂളിലെ കുട്ടി പൊലിസുകള്‍ രംഗത്ത്. ഫ്‌ലക്‌സ് ബോര്‍ഡുകള്‍ പ്രകൃതിക്കും ജീവ ജാലങ്ങള്‍ക്കും സമ്മാനിക്കുന്നതും, ഫ്‌ലക്‌സ് മാലിന്യത്തെ പ്രതിരോധിക്കുന്നതിനുള്ള നിരവധി മാര്‍ഗങ്ങളുമായാണ് എസ്.പി.സി കേഡറ്റുകള്‍ സര്‍വേ പഠനവുമായി രംഗത്തു വന്നിരിക്കുന്നത്. കുട്ടി പൊലിസുകള്‍ തയറാക്കിയ പരിസ്ഥിതി പഠന സര്‍വേ റിപ്പോര്‍ട്ട് ഗ്രാമ പഞ്ചായത്തിനും ഹരിത കേരള മിഷനും നല്‍കാനാണ് പദ്ധതി.