തിരുവനന്തപുരം: വി.എസ് അച്യുതാനന്ദന് ഇട്ടപ്പദവി നല്‍കാനുള്ള നിയമഭേദഗതി ബില്‍ സബ്ജക്ട് കമ്മിറ്റി പാസാക്കി. പൊതുഖജനാവിന് നഷ്ടമുണ്ടാക്കുന്ന ബില്‍ നിയമസഭയില്‍വച്ചപ്പോള്‍ പ്രതിപക്ഷം ശക്തമായി എതിര്‍ത്തിരുന്നു. തുടര്‍ന്ന് ബില്‍ സബ്ജക്ട് കമ്മിറ്റിക്കു വിടുകയായിരുന്നു.
ബില്‍ നിയമമാക്കുന്നതില്‍ പ്രതിപക്ഷ നേതാവ് രമേശ് ചെന്നിത്തല, ഉപനേതാവ് പി.കെ കുഞ്ഞാലിക്കുട്ടി, മുന്‍ മുഖ്യമന്ത്രി ഉമ്മന്‍ ചാണ്ടി എന്നിവര്‍ വിയോജനക്കുറിപ്പു നല്‍കിയിരുന്നു. ഇവരുടെ വിയോജനക്കുറിപ്പോടെയാണ് സബ്ജക്ട് കമ്മിറ്റിയുടെ പരിശോധനയ്ക്കു ശേഷം ബില്‍ ഇന്നലെ നിയമസഭയുടെ പരിഗണനയ്‌ക്കെത്തിയത്. നടപ്പുസമ്മേളനത്തിന്റെ അവസാന ദിവസം ബില്‍ പാസാക്കുകയാണ് സര്‍ക്കാര്‍ ലക്ഷ്യം.