കുന്ദമംഗലം: കോഴിക്കോട് ലോക്‌സഭാ മണ്ഡലം യു.ഡി.എഫ് സ്ഥാനാര്‍ഥി എം.കെ രാഘവന്‍ കുന്ദമംഗലം മണ്ഡലത്തില്‍ രണ്ടാംഘട്ട പ്രചാരണം നടത്തി.
കുന്ദമംഗലം കോരങ്കണ്ടിയില്‍ നിന്നാണ് പര്യടനം തുടങ്ങിയത്. പന്തീര്‍പാടം, ചൂലാംവയല്‍, പിലാശേരി സ്വീകരണങ്ങള്‍ക്കു ശേഷം ചാത്തമംഗലം പഞ്ചായത്തിലെ കല്ലുംപുറം, ചേനോത്ത്, നെച്ചൂളി, വെള്ളലശേരി എന്നിവിടങ്ങളില്‍ പര്യടനം നടത്തി. മാവൂര്‍ പഞ്ചായത്തിലെ കൈതൂട്ടിമുക്ക്, പാറമ്മല്‍ വഴി ചെറൂപ്പയില്‍ ഉച്ചവരെയുള്ള പരിപാടികള്‍ സമാപിച്ചു. കുന്ദമംഗലം ബ്ലോക്ക് പഞ്ചായത്തംഗം രവികുമാര്‍ പനോളിയുടെ വീട്ടില്‍ ഉച്ചഭക്ഷണം.
ഉച്ചയ്ക്കു ശേഷം പെരുവയല്‍, മുണ്ടക്കല്‍, വെള്ളിപറമ്പ് അഞ്ചാം മൈല്‍, കുറ്റിക്കാട്ടൂര്‍ ജങ്ഷന്‍ വഴി പെരുമണ്ണയിലെ പാറക്കോട്ടുതാഴം, വെള്ളായിക്കോട്, പെരുമണ്ണ എന്നിവിടങ്ങളിലും പര്യടനം നടത്തി ഒളവണ്ണ പഞ്ചായത്തിലേക്ക്. പാലാഴി, ഒടുമ്പ്ര, ഒളവണ്ണ ചുങ്കം എന്നിവിടങ്ങളിലെ സ്വീകരണ ശേഷം രാത്രിയോടെ മൂര്‍ക്കനാട് സമാപിച്ചു.
വിവിധ കേന്ദ്രങ്ങളില്‍ യു.സി രാമന്‍, എ.ടി ബഷീര്‍ ഹാജി, ഖാലിദ് കിളിമുണ്ട, സി. മാധവദാസ്, പി.സി അബ്ദുല്‍ കരീം, മൂസ മൗലവി പെരുവയല്‍, വിനോദ് പടനിലം, ഇ.എം ജയപ്രകാശന്‍, എ. ഷിയാലി, പൊതാത്ത് മുഹമ്മദ് ഹാജി, ചിറ്റടി അഹമ്മദ്കുട്ടി ഹാജി, യൂസുഫ് പടനിലം, വി.എസ് രഞ്ജിത്ത്, എം.പി കേളുക്കുട്ടി, പി.കെ ഷറഫുദ്ദീന്‍, കെ.കെ കോയ, ഉമ്മര്‍ ചെറൂപ്പ, റാഷിദ് നന്മണ്ട, ഹബീബ് ചെറൂപ്പ, സിജി കൊട്ടാരത്തില്‍, ജിജിത് പൈങ്ങോട്ട്പുറം, ജുനൈദ് മൂര്‍ക്കനാട്, എം. ഷിബു, സാജിദ് നടുവണ്ണൂര്‍ സംസാരിച്ചു.
ഇന്ന് എലത്തൂര്‍ മണ്ഡലത്തിലാണ് പര്യടനം. രാവിലെ 8.30ന് പുന്നശേരിയില്‍ ആരംഭിച്ച് രാത്രി എട്ടിന് പൊയില്‍താഴത്ത് സമാപിക്കും.