പെരുമ്പാവൂര്‍: വിദ്യാഭ്യാസ സാംസ്‌ക്കാരിക വകുപ്പുകളുടെ സഹകരണത്തോടെ വായനപൂര്‍ണിമ നടത്തുന്ന അക്ഷര വിരുന്ന് വെള്ളിയാഴ്ച കണ്ടന്തറ ഗവ. യു.പി സ്‌കൂളില്‍ എല്‍ദോസ് കുന്നപ്പിള്ളി എം.എല്‍.എ ഉദ്ഘാടനം ചെയ്യും. വായനപോഷണ രംഗത്ത് ശ്രദ്ധേയ സംഭാവന നല്‍കിയ കണ്ടന്തറ ഗവ. യു.പി.എസ്, ഒക്കല്‍ ഗവ. എല്‍.പി.എസ്, പെരുമാനി ഗവ. യു.പി.എസ് എന്നീ സ്‌കൂളുകളിലെ പ്രധാനധ്യാപകരായ ബേബി ജോര്‍ജ്, കെ.എസ്. അലിയാര്‍, ശ്രീജിത് പെരുമാനി എന്നിവര്‍ക്ക് ശ്രേഷ്ഠാചാര്യ പുരസ്‌ക്കാര സമര്‍പ്പണമാണ് മുഖ്യ ചടങ്ങ്. നാലു കൃതികള്‍ രചിച്ച് മൂന്ന് അവാര്‍ഡുകള്‍ നേടിയ പി.എസ്. ജിഷ്ണുവിന് ഉജ്ജ്വല സമഗ്ര സംഭാവന പുരസ്‌ക്കാരം സമ്മാനിക്കും. ചടങ്ങില്‍ വെങ്ങോല ഗ്രാമപഞ്ചായത്ത് പ്രസിഡന്റ് ധന്യ ലെജു അധ്യക്ഷത വഹിക്കും. വിദ്യാലയങ്ങള്‍ക്ക് ശ്രേഷ്ഠ വിദ്യാലയ പുരസ്‌ക്കാരവും അഞ്ച് വിദ്യാര്‍ഥികള്‍ക്ക് വായന പെരുമാള്‍ പുരസ്‌ക്കാരവും നല്‍കും.