മലപ്പുറം: കൊവിഡ് വ്യാപനത്തിന്റെ പശ്ചാത്തലത്തില്‍ പൊന്നാനി താലൂക്കില്‍ നാളെ സമ്പൂര്‍ണ ലോക് ഡൗണ്‍ പ്രഖ്യാപിച്ചു. മലപ്പുറം ജില്ലാ കലക്ടറാണ് ലോക് ഡൗണ്‍ പ്രഖ്യാപിച്ചത്. കഴിഞ്ഞ ദിവസം അര്‍ധരാത്രി മുതല്‍ പൊന്നാനിയില്‍ നിരോധനാജ്ഞ പ്രഖ്യാപിച്ചിരുന്നു.

സമ്പര്‍ക്കത്തിലൂടെ കൊവിഡ് വ്യാപനം ഉയരുന്ന സാഹചര്യത്തിലാണ് വീണ്ടും കടുത്ത നടപടിയിലേക്ക് ജില്ലാ ഭരണകൂടം കടക്കുന്നത്. നേരത്തെ രോഗികളുടെ എണ്ണം വര്‍ധിച്ച സാഹചര്യത്തില്‍ പൊന്നാനിയില്‍ ട്രിപ്പിള്‍ ലോക്ക്ഡൗണ്‍ പ്രഖ്യാപിച്ചിരുന്നു.