പുതുക്കാട്: ബസില്‍ പോക്കറ്റടിച്ച പോക്കറ്റടിക്കാരനെ കയ്യോടെ പിടികൂടി.
നിരവധി പോക്കറ്റടി കേസുകളില്‍ പ്രതിയായ അരിമ്പൂര്‍ പുത്തന്‍പീടിക അന്തോണി (47) ആണ് പിടിയിലായത്. മുത്രത്തിക്കര  കല്ലിക്കടവില്‍ സുഗുതന്റെ 2100 രൂപയാണ് ഇയാള്‍ പോക്കറ്റടിച്ചത്. കൊടകരയില്‍ നിന്ന് ബസില്‍ കയറിയ സുഗുതന്‍ നന്തിക്കരയില്‍ ഇറങ്ങാന്‍ നോക്കുമ്പോഴാണ് പണം നഷ്ടപ്പെട്ട വിവരം അറിഞ്ഞത്.
പിന്നീട് യാത്രക്കാരുടെ സഹായത്തോടെ നടത്തിയ പരിശോധയിലാണ് അന്തോണിയില്‍ നിന്ന് പണം കണ്ടെത്തിയത്.
തുടര്‍ന്ന് യാത്രക്കാര്‍ വിവരമറിയിച്ചതിനെ തുടര്‍ന്നെത്തിയ പുതുക്കാട് പൊലിസ് ഇയാളെ കസ്റ്റഡിയിലെടുത്തു.
തിരക്കുള്ള ബസില്‍ കയറി പോക്കറ്റടിക്കുകയാണ് അന്തോണിയുടെ പതിവെന്ന് പൊലിസ് പറഞ്ഞു.തുടര്‍ന്ന് പ്രതിയെ കോടതിയില്‍ ഹാജരാക്കി.