എരുമപ്പെട്ടി: എരുമപ്പെട്ടി കരിയന്നൂരില്‍ നിയന്ത്രണം വിട്ട കാര്‍ തലകീഴായി മറിഞ്ഞ് രണ്ടു പേര്‍ക്ക് പരുക്കേറ്റു. ചേലക്കര മേലേപ്പാട്ട് വീട്ടില്‍ അര്‍ജുന്‍ (21), തിരുവില്വാമല കൂട്ടുപാത അനുപമ (21) എന്നിവര്‍ക്കാണ് പരുക്കേറ്റത്.
ഇന്നലെ ഉച്ചയോടെ വടക്കാഞ്ചേരിയില്‍ നിന്നും വരികയായിരുന്ന കാറാണ് അപകടത്തില്‍പെട്ടത്. നിയന്ത്രണംവിട്ട കാര്‍ തലകീഴായി മറിയുകയായിരുന്നു. കാറിനുള്ളില്‍ കുടുങ്ങിയ അനുപമയേയും അര്‍ജുനേയും ഏറെ നേരത്തെ പരിശ്രമത്തിനൊടുവില്‍ കാര്‍ വെട്ടിപ്പൊളിച്ചാണ് നാട്ടുകാര്‍ പുറത്തെടുത്തത്. പരുക്കേറ്റ രണ്ടു പേരേയും എരുമപ്പെട്ടി ആക്ട്‌സ് പ്രവര്‍ത്തകര്‍ കുന്നംകുളത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചു. അപകടത്തില്‍ കാര്‍ പൂര്‍ണമായും തകര്‍ന്നു.