തിരുവനന്തപുരം: ആരോഗ്യ പ്രോട്ടോകോള്‍ പാലിച്ചാണ് യു.ഡി.എഫ് സമരം നടത്തുന്നതെന്നും ജനങ്ങള്‍ക്കായുള്ള പ്രക്ഷോഭവുമായി മുന്നോട്ടു പോകുമെന്നും പ്രതിപക്ഷ നേതാവ് രമേശ് ചെന്നിത്തല.

 മുഖ്യമന്ത്രി പറഞ്ഞ ആരോപണങ്ങളുടെ ചീട്ടുകൊട്ടാരം തകര്‍ന്നു. കൊവിഡ് കാരണം ജനങ്ങള്‍ പരിഭ്രാന്തിയിലാണ്. സര്‍ക്കാരിന് ജാഗ്രതയില്ല. അസുഖബാധിതര്‍ പുറത്തിറങ്ങി നടക്കുകയാണ്. 

രോഗം ബാധിച്ചവരുടെ റൂട്ട് മാപ്പ് തയാറാക്കാന്‍ പോലും സര്‍ക്കാരിനാകുന്നില്ല. ഇതിന്റെ കാരണമെല്ലാം പ്രതിപക്ഷത്തിന്റെ തലയിലാക്കേണ്ട. 

സി.ബി.ഐ അന്വേഷണം എന്നുകേട്ടാല്‍ മുഖ്യമന്ത്രി പിണറായി വിജയന് മുട്ടിടിക്കുമെന്നും സ്വര്‍ണക്കടത്ത് കേസ് ഒതുക്കിത്തീര്‍ക്കാനുള്ള ശ്രമങ്ങളാണ് നടക്കുന്നതെന്നും ചെന്നിത്തല ആരോപിച്ചു.