ബംഗളുരു: ഐ.പി.എല്‍ പുതിയ സീസണിലെ ആറു മത്സരവും പരാജയപ്പെട്ട് വിരാട് കോഹ്‌ലിയുടെ റോയല്‍ ചാലഞ്ചേഴ്‌സ് ബാംഗ്ലൂര്‍. ഇന്നലെ നടന്ന മത്സരത്തില്‍ ഡല്‍ഹി കാപിറ്റല്‍സിനോടാണ് ആര്‍.സി.ബി പരാജയപ്പെട്ടത്. നാല് വിക്കറ്റിനായിരുന്നു ആര്‍.സി.ബിയുടെ തോല്‍വി. ബാംഗ്ലൂര്‍ നിശ്ചിത ഓവറില്‍ 8 വിക്കറ്റ് നഷ്ടത്തില്‍ 149 റണ്‍സെടുത്തപ്പോള്‍ ഡല്‍ഹി 18.5 ഓവറില്‍ 6 വിക്കറ്റ് നഷ്ടത്തില്‍ ലക്ഷ്യം കാണുകയായിരുന്നണ്ടു. ജയം കൊതിച്ച് സ്വന്തം മൈതാനത്ത് ഇറങ്ങിയ ആര്‍.സി.ബിക്ക് ജയം ക@െത്താനാകാതെ മടങ്ങേ@ി വന്നു. വിജയലക്ഷ്യവുമായി ബാറ്റിങ്ങിനിറങ്ങിയ ഡല്‍ഹിക്ക് വേ@ി ശ്രേയസ് അയ്യര്‍ (67) അര്‍ധശതകം നേടി. പൃഥ്വിഷാ (28), കോളിന്‍ ഇന്‍ഗ്രാം (22), ഋഷഭ് പന്ത് (18) എന്നിവരും മെച്ചപ്പെട്ട പ്രകടനം പുറത്തെടുത്തു. ടിം സൗത്തിയുടെ 2 ഓവറില്‍ 24 റണ്‍സാണ് ഡല്‍ഹി അടിച്ച് കൂട്ടിയത്. സീസണില്‍ ഒരു മത്സരം പോലും ജയിക്കാത്ത ഏക ടീം ആയ ബാംഗ്ലൂര്‍ സ്വന്തം ആരാധകര്‍ക്ക് മുന്നില്‍ മോശം ബാറ്റിങ് പ്രകടനമാണ് പുറത്തെടുത്തത്.

ടോസ് നഷ്ടമായി ബാറ്റിങ്ങിനിറങ്ങിയ ബാംഗ്ലൂരിന് തുടക്കം മുതല്‍ പിഴവുകളായിരുന്നു. മികച്ചൊരു നീക്കവും ആര്‍.സി.ബിയില്‍ നിന്നു@ായില്ല. പാര്‍ഥിവ് പട്ടേലും(9), എബി ഡിവില്ലിയേഴ്‌സും (17) വേഗത്തില്‍ പുറത്തായത് ടീമിനെ കടുത്ത സമ്മര്‍ദത്തിലാക്കി. വിരാട് കോഹ്‌ലി (41), മോയീന്‍ അലിക്കൊപ്പം (32) ചേര്‍ന്ന് ഇന്നിങ്‌സിന് വേഗതകൂട്ടി. 18 പന്തില്‍ 32 റണ്‍സെടുത്ത മോയീന്‍ മാത്രമേ ഡല്‍ഹി ബൗളര്‍മാര്‍ക്കുമേല്‍ ആധിപത്യം സ്ഥാപിച്ചുള്ളൂ. ആറ് മത്സരങ്ങളിലും പരാജയപ്പെട്ടെങ്കിലും ബാറ്റിങ്ങില്‍ കോഹ്‌ലി മികച്ച പ്രകടനമാണ് കാഴ്ചവച്ചിട്ടുള്ളത്. ഇന്ത്യന്‍ നായകന്റെ തുടര്‍ തോല്‍വികള്‍ ലോകകപ്പിന് മുന്പ് ഇന്ത്യന്‍ ടീമിന് തിരിച്ചടിയായേക്കും എന്ന നിലയിലേക്കാണ് കാര്യങ്ങള്‍ നീങ്ങുന്നത്. ആസ്‌ത്രേലിയയില്‍ പരമ്പര സ്വന്തമാക്കിയതിന് ശേഷം കോഹ്‌ലിക്ക് മികച്ച ജയം എന്ന് പറയാന്‍ ഒരു മത്സരമില്ല.

ഇത് ലോകകപ്പിനൊരുങ്ങുന്ന ഇന്ത്യന്‍ ടീമിന് തിരിച്ചടിയാകാനും സാധ്യതയു@്. കൊല്‍ക്കത്തക്കെതിരേയുള്ള മത്സരത്തില്‍ ജയിക്കണമെന്ന ലക്ഷ്യത്താല്‍ ടീമിനെ മാറ്റിപ്പരീക്ഷിച്ച കോഹ്‌ലിക്കും ടീമിനും 200 മുകളില്‍ റണ്‍സ് ക@െത്താന്‍ സാധിച്ചിരുന്നു. എന്നാല്‍ കൊല്‍ക്കത്തയുടെ ബാറ്റ്‌സ്മാന്‍മാര്‍ക്ക് കൂച്ചുവിലങ്ങിടാന്‍ ആര്‍.സി.ബി ബൗളര്‍മാര്‍ക്ക് കഴിയാതെ പോയതായിരുന്നു ആര്‍.സി.ബിയെ തോല്‍വിലേക്ക് നയിച്ചത്.
തുടര്‍ച്ചയായ ആറാം പരാജയം രുചിച്ചതോടെ ഇനിയും ടീം മാറ്റാനൊരുങ്ങുകയാണ് കോഹ്‌ലി എന്നാണ് റിപ്പോര്‍ട്ടുകള്‍. ലോകകപ്പിന് മുന്‍പ് നായകന്‍ എന്ന ഇമേജ് തിരിച്ച് കൊ@ുവരണമെങ്കില്‍ അടുത്ത മത്സരത്തിലെങ്കിലും ആര്‍.സി.ബിക്ക് ജയിച്ചേ തീരു എന്ന അവസ്ഥയിലാണ്. 13ന് പഞ്ചാബിനെതിരേയാണ് ആര്‍.സി.ബിയുടെ അടുത്ത മത്സരം.