തൃക്കരിപ്പൂര്‍: അടുത്തമാസം തൃക്കരിപ്പൂര്‍ കൈക്കോട്ടുക്കടവില്‍  മുസ്‌ലിം ലീഗ് സംഘടിപ്പിക്കുന്ന ഹജ്ജ് ക്യംപിന് വിപുലമായ ഒരുക്കങ്ങളാണ് നടക്കുന്നതെന്ന് സംഘാടക സമിതി ചെയര്‍മാന്‍ എസ്.കെ അഷ്‌റഫ്, ജനറല്‍ കണ്‍വീനര്‍ കെ.എം കുഞ്ഞി, ട്രഷറര്‍ ഒ.ടി അഹമ്മദ് ഹാജി എന്നിവര്‍ അറിയിച്ചു. ജില്ലയില്‍ അദ്യമായാണ് ഇത്തരത്തില്‍ വിപുലമായ ഹജ്ജ് ക്യാംപ് സംഘടിപ്പിക്കുന്നത്.
മെയ് നാലിന് രാവിലെ ഒന്‍പതിന് കൈക്കോട്ടുക്കടവ് മുസ്‌ലിം ജമാഅത്ത് ഓഡിറ്റോറിയത്തില്‍ മുസ്തഫ ഹുദവി ആക്കോടിന്റെ നേതൃത്വത്തിലാണ് ക്യാംപ് നടക്കുന്നത്.
കഴിഞ്ഞ ദിവസം സംഘാടക സമിതി ഓഫീസ് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്തതോടെ ക്യംപ് വിജയിപ്പിക്കുന്നതിനുള്ള ഒരുക്കങ്ങള്‍ നടന്നുവരുന്നു.
ഒരു ദിവസം മുഴുവനായി നടക്കുന്ന ക്യാംപില്‍ 1500 പേര്‍ എത്തുമെന്നാണ് സംഘാടക സമിതിയുടെ കണക്കുകൂട്ടല്‍.