തിരൂര്‍: മാലിദ്വീപ് ഇസ്‌ലാമിക് സര്‍വകലാശാല 14, 15 തിയതികളിലായി മാലിദ്വീപില്‍ നടത്തുന്ന അന്താരാഷ്ട്ര സെമിനാറില്‍ തിരൂര്‍-ചേന്നര ദാറുസ്സലാം വാഫി കോളജ് അഞ്ചാം വര്‍ഷ വിദ്യാര്‍ഥി സി.പി മുഖ്താര്‍ തിരുന്നാവായ പ്രബന്ധമവതരിപ്പിക്കും.
വിവിധ രാഷ്ട്രങ്ങളില്‍ നിന്നുമുള്ള പ്രതിനിധികള്‍ പങ്കെടുക്കുന്ന സെമിനാറില്‍ 'സാമ്പത്തിക സുസ്ഥിരത ഇസ്‌ലാമിക സാമ്പത്തിക രീതിയിലൂടെ' എന്ന വിഷയത്തിലാണ് മുഖ്താര്‍ പ്രബന്ധമവതരിപ്പിക്കുക. യാത്രയയപ്പ് സംഗമത്തില്‍ സി.കെ.എം ബാഖവി വണ്ടുംതറ ഉദ്ഘാടനം ചെയ്തു. പ്രിന്‍സിപ്പല്‍ സുബൈര്‍ അസ്ഹരി പയ്യന്നൂര്‍ അധ്യക്ഷനായി. സ്വാദിഖ് ഫൈസി അനന്താവൂര്‍ അനുമോദന പ്രഭാഷണം നടത്തി. ഇബ്രാഹീം ഫൈസി പന്തല്ലൂര്‍, സഫ്‌വാന്‍ വാഫി വിളയില്‍, ഫൈസല്‍ വാഫി കോട്ടൂര്‍, നിഹാല്‍ വാഫി ആലത്തിയൂര്‍, റഷീദ് വാഫി പറപ്പൂര്‍, റഹീസ് ആലത്തിയൂര്‍ സംസാരിച്ചു.