ആനക്കര: മദ്രസകളില്‍ പ്രവേശനോത്സവം വര്‍ണ്ണാഭമായി. തൃത്താല മേഖലയിലെ മദ്‌റസകളെല്ലാം പ്രവേശനോത്സവത്തിന്റെ ഭാഗമായി തോരണങ്ങള്‍ തൂക്കി അലങ്കരിച്ചിരുന്നു. ഒന്നാം ക്ലാസിലേക്കുളള പ്രവേശനോത്സവത്തിന് നിരവധി കുരുന്നുകളെത്തി. രക്ഷിതാക്കളോടൊപ്പവും സഹോദരങ്ങള്‍ക്കൊപ്പവുമാണ് കുട്ടികള്‍ മതപഠനത്തിനായി എത്തിയത്. ഒന്നാം ക്ലാസ് പ്രവേശനത്തിനെത്തിയ കുട്ടികളെ മദ്‌റസകമ്മറ്റികളും, മദിറസ അധ്യാപകരും വിദ്യാര്‍ഥികളും ചേര്‍ന്ന് മധുരം നല്‍കി സ്വീകരിച്ചു.പലസ്ഥലങ്ങളിലും വിവിധസംഘടനകളുടെ നേതൃത്വത്തില്‍ പുസ്തകവിതരണവുമുണ്ടായിരുന്നു. അറക്കല്‍ സിറാജുല്‍ ഇസ്ലാം മദ്‌റസ, ചേക്കോട് മഅ്ദനുല്‍ ഉലും മദ്‌റസ, ആനക്കര തബീയിനുലില്‍ ഇസ്‌ലാം മദ്‌റസയില്‍ നടന്ന പ്രവേശനോത്സവത്തിന് ഖത്തീബ് മുസ്തഫ ഫൈസി നേതൃത്വം നല്‍കി. മദ്രസ അധ്യാപകരായ കരിം, അബ്ദുളള, അബു എന്നിവര്‍ സംബന്ധിച്ചു. മേപ്പാടം അല്‍മദ്രസത്തുല്‍ ബദരിയ്യ മദ്‌റസ, കുമ്പിടി ഇസ്സത്തുല്‍ ഇസ്ലാം മദ്‌റസ, കക്കാട്ടിരി ഹയാത്തുല്‍ ഇസ്‌ലാം മദ്രസ, നയ്യൂര്‍ മജ്‌നല്‍ അദബ് മദ്‌റസ, പട്ടിപ്പാറ മമ്പ ഉല്‍ ഇസ്ലാം മദ്രസ, മണ്ണിയംപെരുമ്പലം മദ്രസ, കൂടല്ലൂര്‍ ബഹ്ജത്തൂല്‍ ഇ മദ്‌റസ അടക്കം ഈ മേഖലയിലെ നൂറ്കണക്കിന് മദ്‌റസകളില്‍ പ്രവേശനോത്സവം നടന്നു