ഗസ സിറ്റി: അല്‍ അഖ്‌സയിലേക്കുള്ള കിഴക്കന്‍ കവാടം അടയ്ക്കാനുള്ള ഇസ്‌റാഈല്‍ കോടതിവിധി വിശുദ്ധയുദ്ധത്തിന് ഇടവരുത്തുമെന്ന് മുസ്‌ലിം വഖ്ഫ് കൗണ്‍സില്‍ മേധാവി ശെയ്ഖ് അബ്ദുല്‍ അസീം സല്‍ഹബ്. ഇത്തരമൊരു നടപടി അല്‍അഖ്‌സ പള്ളി നിയന്ത്രണത്തിലാക്കാനുള്ള ശ്രമത്തിന്റെ ഭാഗമാണ്. നിയമവിരുദ്ധമായ കോടതിവിധി വഖ്ഫ് കൗണ്‍സില്‍ തള്ളിക്കളയുന്നു. ബാബുര്‍റഹ്മ അടയ്ക്കാന്‍ ഒരു ശക്തിക്കും സാധ്യമല്ല. അതിലൂടെ അല്‍അഖ്‌സയിലേക്ക് വരുന്ന വിശ്വാസികളെ ആക്രമിച്ചാല്‍ മേഖലയില്‍ വിശുദ്ധയുദ്ധത്തിന് അത് ഇടവരുത്തുമെന്നും അദ്ദേഹം പറഞ്ഞു.