നിലമ്പൂര്‍:ജില്ലാ ഹോസ്പിറ്റലിനോട് ചേര്‍ന്ന് സ്ഥാപിച്ച സമസ്ത മുസാഅദ സെന്റര്‍ കെട്ടിടോദ്ഘാടനത്തോടെ ആശുപത്രിയില്‍ പ്രവര്‍ത്തനമാരംഭിക്കുന്ന വളണ്ടിയേഴ്‌സ് ട്രൈനിങ് പ്രോഗ്രാം നാളെ നടക്കും.
ഉച്ചയ്ക്ക് രണ്ടിന് നിലമ്പൂര്‍ പീവീസ് ആര്‍ക്കേഡില്‍ എസ്.വൈ.എസ് സംസ്ഥാന വര്‍ക്കിങ് സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ് ഉദ്ഘാടനം ചെയ്യും.
റഷീദ് ഫൈസി വെള്ളായിക്കോട്, ശഹീര്‍ അന്‍വരി പുറങ്ങ്,കെ.ടി മൊയ്തീന്‍ ഫൈസി, ഡോ: അബ്ദുല്‍ ഹമീദ്, ജലീല്‍ ഫൈസി അരിമ്പ്ര എന്നിവര്‍ പരിശീലനത്തിന് നേതൃത്വം നല്‍കും.
നിലമ്പൂര്‍-വണ്ടൂര്‍ നിയോജക മണ്ഡലങ്ങളിലെ എസ്.വൈ.എസ് ആമില, എസ്.കെ.എസ്.എസ്.എഫ് വിഖായ അംഗങ്ങള്‍ പരിശീലനത്തില്‍ പങ്കെടുക്കണമെന്ന് മുസാഅദ സെന്റര്‍ സെക്രട്ടറി സലീം എടക്കര അറിയിച്ചു.