ഉള്ളാള്‍: സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ക്ക് ഉള്ളാളില്‍ ഇന്നു സ്വീകരണം നല്‍കും. ഉള്ളാള്‍ മേലങ്ങാടി മുഹ്‌യുദ്ധീന്‍ മസ്ജിദ് കമ്മിറ്റിയുടെ നേതൃത്വത്തില്‍ വൈകുന്നേരം ഏഴിന് നടക്കുന്ന ചടങ്ങിലാണ് തങ്ങള്‍ക്കു സ്വീകരണം നല്‍കുന്നത്. അബ്ദുല്‍ റഷീദ് ഹാജി അധ്യക്ഷനാകും. കീഴൂര്‍ മംഗളൂരു സംയുക്ത ജമാഅത്ത്-ദക്ഷിണ കന്നഡ ജില്ലാ ഖാസി ത്വാഖ അഹമ്മദ് അല്‍അസ്ഹരി, സമസ്ത വൈസ് പ്രസിഡന്റ് മിത്തവയല്‍ അബ്ദുല്‍ ജബ്ബാര്‍ മുസ്‌ലിയാര്‍ എന്നിവര്‍ മുഖ്യാതിഥികളാകും. കര്‍ണാടക സിവില്‍ സപ്ലൈസ് വകുപ്പ് മന്ത്രി യു.ടി ഖാദര്‍, യു.കെ മോണു ഹാജി, ഹാജി ബാവ അഹമ്മദ്, എച്ച് .കെ ഖാദര്‍, മുസ്തഫ അബ്ദുല്ല, ശംസുദ്ധീന്‍, യു ഹസൈനാര്‍, ഷൗക്കത്ത് ശൗരി, അക്ബര്‍ ഉള്ളാള്‍, നസീര്‍ ഉള്ളാള്‍, ഖാലിദ് സാഗര്‍, നൗഷാദ് അബൂബക്കര്‍, ആസിഫ് അബ്ദുല്ല തുടങ്ങിയവര്‍ സംബന്ധിക്കും.