കുമ്പള (കാസര്‍കോട്): ശ്രീലങ്കയില്‍ 19 മുതല്‍ ആരംഭിക്കുന്ന ഇന്ത്യ-ശ്രീലങ്ക രാജ്യാന്തര ക്ലബുകള്‍ തമ്മിലുള്ള ക്രിക്കറ്റ് മത്സരത്തിനുള്ള ടീമില്‍ മലയാളിയും. കാസര്‍കോട് കുമ്പള ഉളുവാര്‍ ശാഹിന മന്‍സിലില്‍ അബൂബക്കറിന്റെയും ആയിശാബിയുടെയും മകന്‍ 20കാരനായ മുഹമ്മദ് ഇഖ്ബാലാണ് ടീമിലിടം കണ്ടത്. നാഗ്പൂര്‍ സ്‌പോര്‍ട്‌സ് അക്കാദമിയും ശ്രീലങ്കന്‍ ക്ലബ് നുവാര ഏലിയയുമായുള്ള പോരാട്ടത്തില്‍ എന്‍.എസ്.എ യ്ക്ക് വേണ്ടിയാണ് ഇടംകൈയന്‍ പേസ് ബൗളറായ മുഹമ്മദ് ഇറങ്ങുന്നത്. എന്‍.എസ്.എ യ്ക്ക് ബി.സി.സി.ഐയുടെ അംഗീകാരമുണ്ട്. ശ്രീലങ്കന്‍ ക്രിക്കറ്റ് ബോര്‍ഡിന്റെ അംഗീകാരമുള്ള നുവാര ഏലിയയുമായി ജൂലൈ 26 വരെയാണ് പരമ്പര.