തിരുവനന്തപുരം: കന്യാസ്ത്രീയെ പീഡിപ്പിച്ചെന്ന കേസില്‍ ഏകപക്ഷീയമായ അന്വേഷണം നടത്തുന്നെന്ന് കാണിച്ച് ജലന്ധര്‍ ബിഷപ്പ് ഫ്രാങ്കോ മുളയ്ക്കലിന്റെ പ്രതിനിധി ഡി.ജി.പി ലോക്‌നാഥ് ബെഹ്‌റയ്ക്ക് പരാതി നല്‍കാനെത്തി. എന്നാല്‍ ഇക്കാര്യത്തിലെ പരാതി തനിക്കല്ല കോട്ടയം എസ്.പിക്കാണ് കൈമാറേണ്ടതെന്ന് കാട്ടി ഡി.ജി.പി അദ്ദേഹത്തെ മടക്കി അയച്ചു. പരാതി നല്‍കിയ കന്യാസ്ത്രീയ്‌ക്കെതിരെ ഗുരുതര ആരോപണങ്ങളുമായാണ് ബിഷപ്പിന്റെ പ്രതിനിധി ഫാ.പീറ്റര്‍ ഡി.ജി.പിയെ കാണാനെത്തിയതെന്നു പറയുന്നു.