പൊന്നാനി: പച്ച കാണുമ്പോള്‍ വിറളി പിടിക്കുന്ന ബി.ജെ.പി നേതാക്കള്‍ക്ക് മഞ്ഞപ്പിത്തം ബാധിച്ചിരിക്കുകയാണെന്നും റാഫേല്‍ അഴിമതി എത്ര വൈകിയാലും പുറത്തുവരികതന്നെ ചെയ്യുമെന്നും ഇ.ടി മുഹമ്മദ് ബഷീര്‍. രാജ്യത്തെ ജനങ്ങള്‍ക്കിടയില്‍ ഭിന്നത സൃഷ്ട്ടിക്കുന്ന നേതാക്കള്‍ക്കെതിരേ കേസെടുക്കണം. റാഫേല്‍ കേസ് സംബന്ധിച്ച മുഴുവന്‍ രേഖകളും പരിശോധിക്കാമെന്ന സുപ്രീം കോടതി വിധി കേന്ദ്ര സര്‍ക്കാരിനേറ്റ തിരിച്ചടിയാണെന്നും റഫാല്‍ അഴിമതി പുറത്തുവരികതന്നെ ചെയ്യുമെന്നും ഇ.ടി പറഞ്ഞു. പൊന്നാനിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.