കൊപ്പം: വിവിധ മോഷണകേസുകളില്‍ പ്രതിയായ ഇതരസംസ്തഥാന സ്വദേശി ബാബുജനെ (27) കൊപ്പം എസ്.ഐ ഫക്‌റുദ്ധീന്റെ നേതൃത്വത്തിലുള്ള സംഘം അറസ്റ്റ് ചെയ്തു. കൊപ്പം സെന്ററില്‍ പ്രവര്‍ത്തിച്ചിരുന്ന വസ്ത്രവ്യാപാര സ്ഥാപനത്തിന്റെ ഷട്ടര്‍ പൂട്ട് പൊളിച്ച് വസ്ത്രങ്ങളും സി.സി.ടി.വി ഹാര്‍ഡ് ഡിസ്‌ക്കും ഉള്‍പെടെ 2.10 ലക്ഷം രൂപ മോഷണം പോയ സംഭവത്തില്‍ കൊപ്പം പൊലിസ് നടത്തിയ അന്വേഷണത്തിലാണ് മോഷണപരമ്പരകളുടെ ചുരുളഴിഞ്ഞത്.
ഒന്‍പത് വയസ് മുതല്‍ പ്രതി പട്ടാമ്പിയില്‍ വിവിധ ഭാഗങ്ങളില്‍ വാടകക്ക് താമസിച്ച് വരികയാണ്. ഇതിനിടയിലാണ് പ്രതി മോഷണം നടത്തിയിരുന്നത്. മോഷണം നടത്തുന്ന വസ്ത്രങ്ങള്‍ വഴിയോരങ്ങളില്‍ വിപണനം നടത്തുന്ന രീതിയായിരുന്നു പ്രതിയുടേത്. പട്ടാമ്പി, പെരിന്തല്‍മണ്ണ, ചങ്ങരംകുളം എന്നീ മേഖലകളിലാണ് ഇയാള്‍ മോഷണം നടത്തിയിരുന്നത്. പ്രതിയെ ഏപ്രില്‍ 22 വരെ റിമാന്‍ഡ് ചെയ്തു.