തിരുവനന്തപുരം: മ്യൂസിയം ജംഗ്ഷന് സമീപം അതിരാവിലെ പാല്‍ വാങ്ങി നടന്ന് പോവുകയായിരുന്ന സ്ത്രീയുടെ ബാഗ് പിടിച്ച് പറിച്ച കേസിലെ പ്രതിയെ തിരുവനന്തപുരം സിറ്റി ഷാഡോ പൊലിസ് പിടികൂടി. മണക്കാട്, കമലേശ്വരം റ്റി.സി 143253, തുണ്ട് വിളാകത്ത് വീട്ടില്‍ വിഷ്ണു (18) ആണ് മ്യൂസിയം പൊലിസിന്റെ പിടിയിലായത്.
ദേവസ്വം ബോര്‍ഡ് ജംഗ്ഷന് സമീപം പുതിയിടത്തു വീട്ടില്‍ ശോശാമ്മയുടെ മക്കള്‍ ആനി മാത്യുവിന്റെ പണവും താക്കോലുകളും മറ്റ് രേഖകളു അടങ്ങിയ ബാഗാണ് വിഷ്ണുവും കൂട്ട് പ്രതിയും ചേര്‍ന്ന് പിടിച്ച് പറിച്ച് കടന്ന് കളഞ്ഞത്.പ്രതികള്‍ കൃത്യത്തിന് ഉപയോഗിച്ചത് ആക്ടീവ ഇനത്തില്‍ പെട്ട വാഹനമാണെന്ന് മനസ്സിലാക്കി, പോലീസ് കണ്‍ട്രോള്‍ റൂമിലെ ക്യാമറ ദൃശ്യങ്ങള്‍ പരിശോധിച്ചതില്‍ കിട്ടിയ തെളിവുകളുടെ അടിസ്ഥാനത്തില്‍ ഷാഡോ പൊലിസ് നടത്തിയ തിരച്ചിലിനൊടുവിലാണ് വിഷ്ണു അറസ്റ്റിലായത്.വിഷ്ണുവിന്റെ കൂട്ട് പ്രതിക്കായി തെരച്ചില്‍ ശക്തമാക്കി.
കണ്‍ട്രോള്‍ റൂം അസി.കമ്മീഷണര്‍ വി.സുരേഷ് കുമാര്‍, മ്യൂസിയം എസ്.ഐമാരായ സുനില്‍, സിറ്റി ഷാഡോ ടീം അംഗങ്ങള്‍ എന്നിവര്‍ അറസ്റ്റിനും അന്വേഷണത്തിനും നേതൃത്വം നല്‍കി.