HOME
DETAILS

ചൈനയെ വെല്ലുവിളിച്ച് ആന്‍ഡമാനില്‍  ഇന്ത്യ-യു.എസ് സംയുക്ത സൈനികാഭ്യാസം

  
backup
July 21 2020 | 04:07 AM

%e0%b4%9a%e0%b5%88%e0%b4%a8%e0%b4%af%e0%b5%86-%e0%b4%b5%e0%b5%86%e0%b4%b2%e0%b5%8d%e0%b4%b2%e0%b5%81%e0%b4%b5%e0%b4%bf%e0%b4%b3%e0%b4%bf%e0%b4%9a%e0%b5%8d%e0%b4%9a%e0%b5%8d-%e0%b4%86%e0%b4%a8%e0%b5%8d

 
 
 
വാഷിങ്ടണ്‍: ലഡാക്കില്‍ ഇന്ത്യ-ചൈന ഏറ്റുമുട്ടലുണ്ടായ സാഹചര്യത്തില്‍ ആന്‍ഡമാന്‍ നിക്കോബാര്‍ ദ്വീപില്‍ ഇന്ത്യ-യു.എസ് സംയുക്ത സൈനികാഭ്യാസം. അമേരിക്കയുടെ കൂറ്റന്‍ വിമാനവാഹിനി കപ്പലായ യു.എസ്.എസ് നിമിറ്റ്‌സിന്റെ നേതൃത്വത്തില്‍ നടന്ന സൈനികാഭ്യാസത്തില്‍ ഇന്ത്യന്‍ പടക്കപ്പലുകളും പങ്കെടുത്തു. 
മലാക്കാ മുനമ്പ് മുറിച്ചുകടന്നാണ് ശനിയാഴ്ച യു.എസ് യുദ്ധക്കപ്പലുകള്‍ ഇന്ത്യന്‍ മഹാസമുദ്രത്തിലെത്തിയത്. ചൈനയുടെ പ്രധാന സമുദ്രവ്യാപാര പാതയാണ് മലാക്കാ മുനമ്പ്. ആണവായുധം വഹിക്കുന്ന കപ്പലാണ് യു.എസ്.എസ് നിമിറ്റ്‌സ്. മറ്റൊരു വിമാനവാഹിനിക്കപ്പലായ യു.എസ്.എസ് റൊണാള്‍ഡ് റീഗന്റെ നേതൃത്വത്തില്‍ അടുത്തിടെയാണ് ദക്ഷിണ ചൈനാ കടലില്‍ സൈനികാഭ്യാസം സംഘടിപ്പിച്ചത്. മേഖലയില്‍ ചൈനയുടെ ആധിപത്യത്തില്‍ നിന്ന് യു.എസ് സഖ്യരാജ്യങ്ങള്‍ക്ക് നിര്‍ഭയത്വം നല്‍കുന്നതിനായിരുന്നു ഇത്. 
90 വിമാനങ്ങള്‍ വരെ വഹിക്കാന്‍ ശേഷിയുള്ള യു.എസ്.എസ് നിമിറ്റ്‌സ് പോലുള്ള 10 കൂറ്റന്‍ കപ്പലുകളാണ് അമേരിക്ക വിവിധ സമുദ്രങ്ങളിലായി വിന്യസിച്ചിരിക്കുന്നത്. ആന്‍ഡമാന്‍ നിക്കോബാര്‍ ദ്വീപില്‍ നടന്ന ഇന്ത്യ-യു.എസ് സംയുക്ത സൈനികാഭ്യാസത്തില്‍ ഇന്ത്യയുടെ നിരവധി യുദ്ധക്കപ്പലുകളും അന്തര്‍വാഹിനികളും പട്രോളിങ് വിമാനങ്ങളും പങ്കെടുത്തു. കിഴക്കന്‍ നാവിക ഫ്‌ളീറ്റ് കമാന്‍ഡര്‍ സഞ്ജയ് വല്‍സായന്‍ ഇന്ത്യന്‍ സംഘത്തിന് നേതൃത്വം നല്‍കി. 
കഴിഞ്ഞ മാസം ഇന്ത്യ-ജപ്പാന്‍ യുദ്ധക്കപ്പലുകള്‍ മലാക്ക മുനമ്പില്‍ നാവികാഭ്യാസം നടത്തിയിരുന്നു. നാവികാഭ്യാസത്തില്‍ ആസ്‌ത്രേലിയയെ കൂടി പങ്കെടുപ്പിക്കുന്നത് ഇന്ത്യ പരിഗണിച്ചുവരുകയാണ്. മേഖലയിലെ ചൈനയുടെ അധിനിവേശത്തെ തടയുകയാണ് ലക്ഷ്യം. 


Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."