HOME
DETAILS

അളവ് തൂക്ക സാമഗ്രികളില്‍ പ്രത്യേക പരിശോധന നടത്തി

  
backup
April 26 2017 | 20:04 PM

%e0%b4%85%e0%b4%b3%e0%b4%b5%e0%b5%8d-%e0%b4%a4%e0%b5%82%e0%b4%95%e0%b5%8d%e0%b4%95-%e0%b4%b8%e0%b4%be%e0%b4%ae%e0%b4%97%e0%b5%8d%e0%b4%b0%e0%b4%bf%e0%b4%95%e0%b4%b3%e0%b4%bf%e0%b4%b2%e0%b5%8d%e2%80%8d


കാക്കനാട്: നിയമപരമല്ലാത്ത ത്രാസ്സുകള്‍ ഉപയോഗിക്കുന്നത് സംബന്ധിച്ച് പരാതി വ്യാപകമായതിനെ തുടര്‍ന്ന് ലീഗല്‍ മെട്രോളജി കണ്‍ട്രോളറുടെ പ്രത്യേക നിര്‍ദേശം പ്രകാരം കാക്കനാട്ടെ ലീഗല്‍ മെട്രോജി ഉദ്യോഗസ്ഥര്‍ പ്രത്യേക പരിശോധന നടത്തി.
സ്‌പെഷ്യല്‍ ഡ്രൈവ് എന്ന ഓപ്പറേഷന്‍ എന്ന പേരില്‍ അറിയപ്പെടുന്ന ഈ പ്രത്യേക പരിശോധന ബുധനാഴ്ച രാവിലെ ഏഴ് മുതല്‍ പത്തരവരെയാണ് നടത്തിയത്. ചെല്ലാനം ഫിഷിങ് ഹാര്‍ബറിലാണ് നിരീക്ഷണത്തിന് ശേഷം അളവ് തൂക്ക സാമഗ്രികളില്‍ പ്രത്യേക പരിശോധന നടത്തിയത്. രാവിലെ ഏഴ് മുതല്‍ ഈ ഹാര്‍ബറില്‍ ബോട്ടുകളിലും വള്ളങ്ങളിലും പിടിച്ചെടുക്കുന്ന മത്സ്യങ്ങള്‍ വില്പന നടത്താറുണ്ട്. രാവിലെ 10.30 വരെയാണ് മത്സ്യ വില്പന നടക്കുന്നത്. മത്സ്യം തൂക്കുന്ന ത്രാസ്സുകള്‍ നിരിക്ഷച്ചപ്പോഴാണ് ക്രമക്കേടുകള്‍  ഉദ്യോഗസ്ഥര്‍ക്ക് മനസ്സിലായത്. കച്ചവടത്തിന് ഉപയോഗിച്ചിരുന്ന എല്ലാ ത്രാസ്സുകളും സംഘം പരിശോധിച്ചു.
നിയമവിരുദ്ധമായ ത്രാസ്സുകളാണ് മത്സ്യങ്ങള്‍ തൂക്കുന്നതിനായി ഇവിടെ ഉപയോഗിച്ചിരുന്നത്. അതിനെ തുടര്‍ന്ന് രണ്ടുപേരുടെ അളവ് തൂക്ക ഉപകരണങ്ങള്‍ പിടിച്ചെടുത്ത് ഉടമകളുടെ പേരില്‍ കേസ്സ് രജിസ്റ്റര്‍ ചെയ്തതായി ഡെപ്യൂട്ടി കണ്‍ട്രോള്‍ ആര്‍. റാം മോഹന്‍ പറഞ്ഞു. പിടിച്ചെടുത്ത ത്രാസ്സുകള്‍ ലീഗല്‍ മെട്രോളജിയില്‍ വിശദമായി പരിശോധിച്ച ശേഷം ഉടമകള്‍ക്കെതിരെ കനത്ത പിഴ ചുമത്തനാണ് തീരുമാനിച്ചിരിക്കുന്നതെന്ന് അദ്ദേഹം പറഞ്ഞു.





Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."