കോഴിക്കോട്: 120 കോടിയോളം രൂപ ചെലവഴിച്ച് കോഴിക്കോട് വിമാനത്താവളത്തില്‍ നിര്‍മിച്ച അത്യാധുനിക സൗകര്യങ്ങളോടെയുള്ള പുതിയ ടെര്‍മിനലില്‍ ആവശ്യത്തിന് ഉദ്യോഗസ്ഥരെ നിയമിക്കാത്തത് പ്രയാസം സൃഷ്ടിക്കുന്നതായി പരാതി.
പരിശോധനകള്‍ക്കായി യാത്രക്കാര്‍ മണിക്കൂറുകളോളം കാത്തുനില്‍ക്കേണ്ടതായി വരുന്നുവെന്നും വിഷയത്തില്‍ അധികൃതരുടെ അടിയന്തര ശ്രദ്ധ ഉണ്ടാകണമെന്നും കാലിക്കറ്റ് ചേംബര്‍ ഭാരവാഹികള്‍ ആവശ്യപ്പെട്ടു. മുഖ്യമന്ത്രിക്കും കസ്റ്റംസ് കമ്മിഷണര്‍ക്കും എയര്‍പോര്‍ട്ട് ഡയരക്ടര്‍ക്കും ഇതു സംബന്ധിച്ച് ചേംബര്‍ കത്തുകളയച്ചു.
യോഗത്തില്‍ പ്രസിഡന്റ് സുബൈര്‍ കൊളക്കാടന്‍ അധ്യക്ഷനായി. ചേംബര്‍ എയര്‍പോര്‍ട്ട് കമ്മിറ്റി ചെയര്‍മാന്‍ ഡോ. കെ. മൊയ്തു, വൈസ് ചെയര്‍മാന്‍ ടി.പി.എം ഹാഷിര്‍ അലി, കണ്‍വീനര്‍ ഷെവ. സി.ഇ ചാക്കുണ്ണി, രാജേഷ് കുഞ്ഞപ്പന്‍, മുന്‍ പ്രസിഡന്റ് ടി.പി അഹമ്മദ് കോയ, ഡോ. എ.എം ഷെരീഫ്, പി.എ ആസിഫ്, ടി.പി വാസു, എം.കെ നാസര്‍ സംസാരിച്ചു.