തിരൂര്‍/മലപ്പുറം: കേരളാ പ്രീമിയര്‍ ലീഗ് ഫുട്‌ബോളില്‍ തിരൂര്‍ മുനിസിപ്പല്‍ രാജീവ് ഗാന്ധി സ്റ്റേഡിയത്തില്‍ നടന്ന മത്സരത്തില്‍ സ്‌പോര്‍ട്‌സ് അക്കാദമി തിരൂര്‍ (സാറ്റ്) ഏകപക്ഷീയമായ മൂന്നു ഗോളുകള്‍ക്ക് ഏജീസ് തിരുവനന്തപുരത്തെ പരാജയപ്പെടുത്തി.
    ജപ്പാന്‍ താരം അതുഷിയെനെസോവ രണ്ടും ഷഹീദ് ഒരു ഗോളും നേടി. കഴിഞ്ഞ ദിവസം തിരുവനന്തപുരം ചന്ദ്രശേഖരന്‍ നായര്‍ സ്റ്റേഡിയത്തില്‍ ഏജീസിനോട് നേരിട്ട പരാജയത്തിനുള്ള  മധുര പ്രതീകാരമായി സാറ്റ് നേടിയ വിജയം.
മലപ്പുറത്തു നടന്ന മത്സരത്തില്‍ ഗോകുലം എഫ്.സിയെ ഒന്നിനെതിരേ രണ്ടു ഗോളുകള്‍ക്കു കെ.എസ്.ഇ.ബി പരാജയപ്പെടുത്തി.
 മത്സരത്തില്‍ കെ.എസ്.ഇ.ബിക്കു വേണ്ടി അലക്‌സ്, ധനീഷ് എന്നിവരും എഫ്.സിക്കു വേണ്ടി സുഹൈറുമാണ് ഗോള്‍ നേടിയത്.