ചങ്ങരംകുളം: കക്കിടിപ്പുറം അബൂബക്കര്‍ മുസ്‌ലിയാരുയുടെ 29ാമത് ആണ്ടുനേര്‍ച്ച നാളെ മുതല്‍ 21 വരെ നടക്കും. നാളെ വൈകിട്ട് 4.30ന് അറക്കല്‍ മുദരിസ് ടി.പി ബീരാന്‍ കുട്ടി മുസ്‌ലിയാരുടെ നേതൃത്വത്തിലുള്ള സിയാറത്തോടെ പരിപാടികള്‍ക്ക് തുടക്കം കുറിക്കും. അറക്കല്‍ ഖാസി സി അബ്ദുറഹ്മാന്‍ മുസ്‌ലിയാര്‍ കൊടി കൈമാറും. തുടര്‍ന്ന് 6.30 കക്കടിപ്പുറം മഹല്ല് പ്രസിഡന്റ് ടി. മൊയ്തുണ്ണി മൗലവി കൊടിയേറ്റം നടത്തും. തുടര്‍ന്നുള്ള ദിവസങ്ങളില്‍ സമൂഹ സിയാറത്ത്, മൗലീദ്, പഠന ക്ലാസ്, സ്വലാത്ത് മജ്‌ലീസ് എന്നിവയും നടക്കും.
21ന് രാവിലെ ഒന്‍പത് മണി മുതല്‍ നടക്കുന്ന ദിക്ര്‍ ദുആ മജ്‌ലിസിന് ഉണ്ണിക്കോയ തങ്ങള്‍ കുരുവമ്പലം, മമ്മിക്കുട്ടി ഹസ്‌റത്ത് ആറ്റശ്ശേരി, യു.പി മുഹമ്മദ് മുസ്‌ലിയാര്‍ മാത്തൂര്‍, ഇസ്മാഈല്‍ മുസ്‌ലിയാര്‍ ചെറവല്ലൂര്‍, കെ. മരക്കാര്‍ മുസ്‌ലിയാര്‍ എടയൂര്‍, കെ.കെ അബ്ദുറഹ്മാന്‍ മുസ്‌ലിയാര്‍ തുടങ്ങിയവര്‍ നേതൃത്വം നല്‍കും. സമാപന ദിവസം രാവിലെ ഒന്‍പത് മണി മുതല്‍ ഒരു മണി വരെ അന്നദാനവും ഉണ്ടായിരിക്കുമെന്ന് ചങ്ങരംകുളം പ്രസ് ക്ലബില്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ ഭാരവാഹികളായ മംഗളോദയം അബൂബക്കര്‍ ഹാജി, സി.കെ ബാപ്പിനു ഹാജി, ഇ. ബാവാ ഹാജി, ഇ.വി സഫ്വാന്‍ നദ്‌വി, എം.വി ഉസ്മാന്‍ എന്നിവര്‍ അറിയിച്ചു.