തൃക്കരിപ്പൂര്‍: ടൗണിലെ ഗതാഗത കുരുക്കിന് ശാശ്വത പരിഹാരം വേണമെന്ന് വ്യാപാരി വ്യവസായി ഏകോപന സമിതി തൃക്കരിപ്പൂര്‍ യൂനിറ്റ് ജനറല്‍ ബോഡിയോഗം ആവശ്യപ്പെട്ടു. വെള്ളാപ്പ് റോഡ്, മത്സ്യമാര്‍ക്കറ്റ്, ടൗണ്‍ എന്നിവിടങ്ങളില്‍ ഇന്ന് അനുഭവപ്പെടുന്ന ഗതാഗത പ്രശ്‌നം പലപ്പോഴും യാത്രക്കാരെ ബാധിക്കുന്നുണ്ട്. പഞ്ചായത്ത് അധികൃതരുടെ സാന്നിധ്യത്തില്‍ തീരുമാനിച്ച ട്രാഫിക് പരിഷ്‌കാരം ഇന്ന് കടലാസില്‍ മാത്രമാണെന്നും യോഗം ചൂണ്ടിക്കാട്ടി. ജില്ലാ സെക്രട്ടറി ജോസ് തയ്യില്‍ ഉദ്ഘാടനം ചെയ്തു. യൂനിറ്റ് പ്രസിഡന്റ് കെ.വി ലക്ഷ്മണന്‍ അധ്യക്ഷനായി. ജില്ലാ ജോ. സെക്രട്ടറി ഗിരീഷ് ചീമേനി, ബാലകൃഷ്ണന്‍, മണികണ്ഠന്‍, സി.എച്ച് റഹീം, എം.ടി.പി അഷ്‌റഫ്, എ.ജി നൂറുല്‍ അമീന്‍ സംസാരിച്ചു.
ഭാരവാഹികള്‍: കെ.വി ലക്ഷ്മണന്‍ (പ്രസിഡന്റ്), സി.എച്ച് റഹീം, കെ ഹുസൈന്‍ ഹാജി, കെ.വി കൃഷ്ണ പ്രസാദ് (വൈസ്. പ്രസി), എ.ജി നൂറുല്‍ അമീന്‍ (ജന. സെക്രട്ടറി), എം അബ്ദുറഷീദ്, എ കുഞ്ഞിക്കണ്ണന്‍, സി കൃഷ്ണന്‍ (സെക്രട്ടറി), പി.പി നാസര്‍ (ട്രഷറര്‍)