തിരുവനന്തപുരം: കൊവിഡ് പ്രതിസന്ധിയുടെ പശ്ചാത്തലത്തില്‍ ചൊവ്വാഴ്ച ചേരാനിരുന്ന എല്‍.ഡി.എഫ് യോഗം മാറ്റിവെച്ചു. ഇതേ കാരണം പറഞ്ഞാണ് നിയമസഭാ സമ്മേളനം റദ്ദാക്കിയത്. ഈ സാഹചര്യത്തില്‍ എല്‍.ഡി.എഫ് യോഗം നടത്തിയാല്‍ വിമര്‍ശനത്തിന് ഇടയാകാന്‍ സാധ്യതയുണ്ടെന്ന നിഗമനത്തിലാണ് യോഗം റദ്ദാക്കിയിരിക്കുന്നത്.

അതേസമയം, സി.പി.എം കേന്ദ്രകമ്മിറ്റി യോഗം ശനിയാഴ്ച ചേരും. ഓണ്‍ലൈന്‍ വഴിയാണ് യോഗം നടക്കുന്നത്. പ്രതിപക്ഷനേതാവ് രമേശ് ചെന്നിത്തല സി.പി.എം ജനറല്‍ സെക്രട്ടറി സീതാറാം യെച്ചൂരിക്ക് അയച്ച കത്തും യോഗത്തില്‍ പരിഗണിച്ചേക്കും.