ആലക്കോട് (കണ്ണൂര്‍): വയനാട്ടില്‍ എല്‍.ഡി.എഫ് മത്സരിക്കുന്നതു രാഹുല്‍ ഗാന്ധിയെ തോല്‍പിക്കാന്‍ തന്നെയാണെന്നു മുഖ്യമന്ത്രി പിണറായി വിജയന്‍.

സംസ്ഥാനത്തെ ഇരുപതു സ്ഥാനാര്‍ഥികളില്‍ ഒരാള്‍ മാത്രമാണു രാഹുല്‍ ഗാന്ധി. എല്‍.ഡി.എഫിനു പതിനഞ്ചില്‍ കൂടുതല്‍ സീറ്റ് ലഭിക്കുമെന്നും അദ്ദേഹം പറഞ്ഞു. എല്‍.ഡി.എഫ് സ്ഥാനാര്‍ഥി പി.കെ ശ്രീമതിയുടെ തെരഞ്ഞെടുപ്പ് പ്രചാരണം ആലക്കോട് ഉദ്ഘാടനം ചെയ്യുകയായിരുന്നു മുഖ്യമന്ത്രി. ആംആദ്മി ഡല്‍ഹിയില്‍ നല്ല ഓഫര്‍ കോണ്‍ഗ്രസിനു നല്‍കി. എന്നാല്‍ അവര്‍ അതു സ്വീകരിച്ചില്ല. ഉത്തര്‍പ്രദേശ്, പഞ്ചാബ് എന്നിവടങ്ങളിലും ബി.ജെ.പിയെ പുറത്താക്കാന്‍ കോണ്‍ഗ്രസ് തയാറായില്ലെന്നും പിണറായി പറഞ്ഞു.