ന്യൂഡല്‍ഹി: സൗമ്യവധക്കേസില്‍ പ്രതി ഗോവിന്ദച്ചാമിയുടെ വധശിക്ഷ പുന:സ്ഥാപിക്കണമെന്ന് ആവശ്യപ്പെട്ട് സമര്‍പ്പിച്ച തിരുത്തല്‍ ഹരജി സുപ്രിം കോടതി ഇന്ന് പരിഗണിക്കും. സംസ്ഥാന സര്‍ക്കാരാണ് തിരുത്തല്‍ ഹരജി സമര്‍പ്പിക്കുന്നത്. പുന:പരിശോധന ഹരജി തള്ളിയതിനെ തുടര്‍ന്നാണ് സര്‍ക്കാര്‍ തിരുത്തല്‍ ഹരജി സമര്‍പ്പിച്ചത്. ചീഫ് ജസ്റ്റിസ് കെഹാര്‍ അടങ്ങുന്ന ആറ് ജഡ്ജിമാരാണ് തിരുത്തല്‍ ഹരജി പരിശോധിക്കുന്നത്.