കോട്ടക്കല്‍: ദേശീയ പാതയില്‍ കോട്ടക്കലിനടുത്ത പാലച്ചിറമാട് ഇറക്കത്തില്‍ ബസ് നിയന്ത്രണം വിട്ടു മറിഞ്ഞ് ഒരാള്‍ മരിച്ചു. നിരവധി പേര്‍ക്ക് പരുക്കേറ്റു. വളാഞ്ചേരിക്കടുത്ത പകരനെല്ലൂര്‍ കുനിയന്‍കുന്നത്ത് കുട്ടപ്പ എന്ന മണിയുടെ ഭാര്യ പ്രഭാവതിയമ്മ (57)യാണ് മരിച്ചത്. ഇന്നലെ വൈകുന്നേരം നാലുമണിയോടെയാണ് അപകടം. കോഴിക്കോട് നിന്നും തൃശൂരിലേക്ക് പോകുകയായിരുന്ന വിനായക ബസ് പാലച്ചിറമാട് ഇക്കത്തിന്റെ മുകള്‍ ഭാഗത്ത് വച്ച് നിയന്ത്രണം വിട്ടു മറിയുകയായിരുന്നു. അമിത വേഗതയാണ് അപകട കാരണമെന്ന് നാട്ടുകാര്‍ പറഞ്ഞു. പരിക്കേറ്റവരെ കോട്ടക്കലിലെ വിവിധ ആശുപത്രികളില്‍ പ്രവേശിപ്പിച്ചു.മക്കള്‍: പ്രമോദ്, പ്രതീഷ്. മരുമക്കള്‍: സന്ധ്യ, സബിത.