കൊല്ലം: വിജിലന്‍സ് ആന്റ ആന്റി കറപ്ക്ഷന്‍ ബ്യൂറോയില്‍ താഴെത്തട്ടിലുള്ള അധികാരങ്ങള്‍ എടുത്തുമാറ്റി പൂര്‍ണമായും ഡയറക്ടറില്‍ കേന്ദ്രീകരിക്കുന്നതോടെ അഴിമതി വര്‍ധിക്കുമെന്ന് കെ.ഡി.എഫ് സംസ്ഥാന പ്രസിഡന്റ് പി.രാമഭദ്രന്‍ പ്രസ്താവനയില്‍ പറഞ്ഞു.
എല്ലാരംഗത്തും അധികാര വികേന്ദ്രീകരണം ശക്തിപ്പെടുന്ന കാലത്ത് വിജിലന്‍സിലെ അധികാരങ്ങളെല്ലാം ഡയറക്ടറില്‍ മാത്രം കേന്ദ്രീകരിക്കുന്നത് സര്‍ക്കാര്‍ ഇടപെടീലിന് കൂടുതല്‍ അവസരമൊരുക്കും. വിജിലന്‍സിന്റെ ധാര്‍മികത തകര്‍ക്കുന്ന സര്‍ക്കാര്‍ നിലപാട് തികഞ്ഞ അനീതിയാണെന്നും രാമഭദ്രന്‍ പറഞ്ഞു.