കരുളായി: ജനവാസ മേഖലയിലെത്തി ആന മധ്യവയസ്‌കനെ കൊലപെടുത്തിയ സംഭവം നാട്ടുകാരെ ഭീതിയിലാഴ്ത്തി. വനാതിര്‍ത്തി ഗ്രാമങ്ങളില്‍ ആനയിറങ്ങി കൃഷി നശിപ്പിക്കല്‍ പതിവാണ്. എന്നാല്‍ ജനങ്ങളുടെ നേരെ ആക്രമണമുണ്ടാകുന്നതും കൊലപെടുത്തുന്നതും ഇത് ആദ്യമാണ്.
ചക്ക സീസണ്‍ ആരംഭിച്ചതോടെ രണ്ട് മാസമായി പഞ്ചായത്തിന്റെ വിവിധ ഭാഗങ്ങളില്‍ ഒറ്റകൊമ്പനിറങ്ങുന്നത് പതിവാണ്. കഴിഞ്ഞ ഒരാഴ്ചയായി മൂത്തേടം പഞ്ചായത്തിനെ കൂടാതെ കരുളായി, അമരമ്പലം, കരുവാരക്കുണ്ട്, ചോക്കാട്, കാളിക്കാവ് പഞ്ചായത്തുകളില്‍ കൂട്ടമായി ആനകളിറങ്ങി വ്യാപകമായി കൃഷി നശിപ്പിക്കാറുണ്ട്.