മാവേലിക്കര: ചുനക്കര മേപ്പള്ളില്‍ മുക്ക് കുറ്റിയില്‍-മുക്ക് റോഡ് നവീകരണ ഉദ്ഘാടനം കൊടിക്കുന്നില്‍ സുരേഷ് എം.പി നിര്‍വഹിച്ചു. പ്രധാനമന്ത്രി ഗ്രാമീണ സഡക് യോജന പദ്ധതി പ്രകാരമാണ് റോഡ് പുനരുദ്ധാരണം. മാവേലിക്കര മണ്ഡലത്തിലെ തഴക്കര, തെക്കേക്കര, ചുനക്കര പഞ്ചായത്തുകളെ ബന്ധിപ്പിക്കുന്ന 2.8 കിലോമീറ്റര്‍ ദൈര്‍ഘ്യമുള്ള റോഡ് 1.90 കോടി ലക്ഷം രൂപ ചെലവിലാണ് നവീകരിക്കുന്നത്.
മാവേലിക്കര ബ്ലോക്ക് പഞ്ചായത്ത് പ്രസിഡന്റ് കെ. രഘുപ്രസാദ് അധ്യക്ഷനായി. ബ്ലോക്ക് പഞ്ചായത്ത് വൈസ് പ്രസിഡന്റ് സരസു സാറാ മാത്യു, തഴക്കര പഞ്ചായത്ത് പ്രസിഡന്റ് വത്സല സോമന്‍, മൂന്‍ പഞ്ചായത്ത് പ്രസിഡന്റ് കോശി എം കോശി, മണിക്കുട്ടന്‍ വെട്ടിയാര്‍, സുരേഷ്‌കുമാര്‍ കളിക്കല്‍ പങ്കെടുത്തു.