കൊച്ചി: കേരളത്തില്‍ നിര്‍മിക്കുന്ന വിവിധോദ്ദേശ്യ ഇന്‍ഡോര്‍ സ്‌റ്റേഡിയങ്ങളിലൊന്നിനു ശ്രീനാരായണഗുരുവിന്റെ പേരിടുമെന്ന് മന്ത്രി ഇ.പി ജയരാജന്‍. ശ്രീനാരായണ ഗ്ലോബല്‍ മിഷന്റെ ആഭിമുഖ്യത്തില്‍ 'നമുക്ക് ജാതിയില്ല' എന്ന ഗുരു സന്ദേശത്തിന്റെ ശതാബ്ദി ആഘോഷങ്ങളുടെ സംസ്ഥാനതല ഉദ്ഘാടന സമ്മേളനത്തില്‍ സംസാരിക്കുകയായിരുന്നു അദ്ദേഹം.
എല്ലാ ജില്ലകളിലും ഓരോ സ്‌റ്റേഡിയം വീതമാണു നിര്‍മിക്കാന്‍ ഉദ്ദേശിക്കുന്നത്. ബജറ്റില്‍ ഇതിനായി 500 കോടി രൂപ വകയിരുത്തിയതായും അദ്ദേഹം പറഞ്ഞു.
സമ്മേളനം പ്രൊഫ. എം.കെ സാനു ഉദ്ഘാടനം ചെയ്തു. ഗ്ലോബല്‍മിഷന്‍ സംസ്ഥാന പ്രസിഡന്റ് പി.വി.ചന്ദ്രന്‍ അധ്യക്ഷത വഹിച്ചു. ജസ്റ്റിസ് പി. ഭവദാസന്‍, ഡോ. അരവിന്ദന്‍, മുന്‍ ഡി.ജി.പി വി.ആര്‍ രാജീവന്‍, ടി.ആര്‍ വിജയകുമാര്‍ എന്നിവര്‍ പങ്കെടുത്തു.