ആലപ്പുഴ: തന്നെ ആദരിക്കുന്ന ചടങ്ങിനിടയിലും ഗൗരിയമ്മ പരിഭവം മറച്ചുവച്ചില്ല. മുഖ്യമന്ത്രിക്ക് പിന്നാലെ ഗൗരിയമ്മയുടെ വീട്ടിലെത്തിയ ധനമന്ത്രി തോമസ് ഐസക്കിനെ കണ്ടപ്പോഴാണ് ഗൗരിയമ്മ പരിഭവം അറിയിച്ചത്. എം.എല്‍.എ ആയിരുന്നപ്പോള്‍ ഐസക് തന്റെ വീട്ടിലെ നിത്യസന്ദര്‍ശനകനായിരുന്നുവെന്നും മന്ത്രിയായ ശേഷം കാണാനേയില്ലെന്നുമായിരുന്നു ഗൗരിയമ്മയുടെ പരിഭവം. സ്ഥലത്തില്ലാഞ്ഞിട്ടായിരിക്കുമെന്ന് മുഖ്യമന്ത്രി ഇത് കേട്ടതോടെ പ്രതികരിച്ചു. ധനമന്ത്രി എല്ലാ വ്യാഴാഴ്ച്ചയും മണ്ഡലത്തിലുളള വിവരം താന്‍ അറിയുന്നുണ്ടെന്നു ഗൗരിയമ്മ പറഞ്ഞതോടെ സദസിലാകെ ചിരി പടര്‍ന്നു.